Azərbaycan Texnologiya Universitetinin tərəfdaş olduğu Avropa Komissiyası tərəfindən maliyyələşən Erasmus+ proqramı çərçivəsində “Azərbaycan Universitetlərində Keyfiyyətə Təminat Mərkəzlərinin Yaradılması və İnkişaf Etdirilməsi (EQAC)” layihəsinin növbəti təlimləri baş tutub.

Bakı Biznes Universitetinin koordinatoru olduğu layihənin təlimləri 27-31 avqust tarixlərində İsveçin Kral Texnologiya Universitetində (Stokholm) keçirilib.

Təlimlərdə Azərbaycan Texnologiya Universiteti ilə yanaşı ölkəmizin müxtəlif ali təhsil müəssisələrinin nümayəndələri iştirak edib.

Təlimlər zamanı krallığın mütəxəsisləri ali təhsildə keyfiyyətin təminatı ilə bağlı İsveç modeli, eləcə də Kral Texnologiya Universitetində tədbiq olunan metodlara dair geniş təqdimatlar edib, öz təcrübələrini bölüşüblər. 5 gün davam edən təlimlərin sonunda iştirakçılara Kral Texnologiya Universiteti tərəfindən hazırlanan sertifikatlar təqdim olunub.

1. https://www.genceninsesi.com/?p=4033
2. http://ganjanews.az/2018/09/07/təhsil/uteca-nın-əməkdaşları-isveçdə-erasmus-plus-“eqac”-təlimlərinə-qatılıblar.html
3. http://azia.az/tehsil/6607-svechde-erasmus-eqac-telmler-kechrld.html