Azərbaycan Texnologiya Universitetinin nümayəndə heyəti EQAC Erasmus Plus layihəsinin növbəti təlimində iştirak ediblər.
Bu barədə İnform.az-a UTECA-nın Mətbuat xidmətindən məlumat verilib.
Məlumata görə, Litvanın Vilnus şəhərində təşkil edilən təlimlərdə UTECA-nı universitetin rektoru, professor Akif Süleymanov, Elm və texnika işləri üzrə prorektor Səbuhi Yusifov, Keyfiyyətin təminatı şöbəsinin müdiri Asiman İlyasov təmsil ediblər.
Azərbaycanın tərəfdaş universitetləri Litvanın Keyfiyyətə nəzarət mərkəzində olublar. Mərkəzin direktoru və kordinatorları fəaliyyətləri ilə bağlı təqdimat keçiriblər. 6 günlük səfər çərçivəsində Litvanın qabaqcıl ali təhsil müəssisələrindən olan Mykolas Komeris Universiteti ilə tanışlıq da olub.
Təlimlərdə universitetlərimiz tərəfindən hazırlanmış hesabatlar xarici ekspertlərlə birgə müzakirə edilib və mərkəzin strukturunun formalaşması üçün görüləcək işlər barədə fikir mübadiləsi aparılıb.
- https://www.yenigence.com/gdu-və-uteca-nin-əməkdaslari-eqac-layihəsi-cərcivəsində-litvada/
- https://www.muallim.edu.az/news.php?id=3133
- http://inform.az/index.php?newsid=36132
- https://www.yenigence.com/gdu-v%C9%99-uteca-nin-%C9%99m%C9%99kdaslari-eqac-layih%C9%99si-c%C9%99rciv%C9%99sind%C9%99-litvada/
- http://ganjanews.az/2018/11/16/t%C9%99hsil/uteca-n%C3%BCmay%C9%99nd%C9%99l%C9%99ri-litvada-olublar.html
